Павлодар облысының Ақсу қаласына қарасты Қалқаман кентінде тұратын Ботакөз Даухан 2019 жылы отбасымен Моңғолиядан қоныс аударған. Күйеуі Арғынбай қазір теміржолда істейді. Шекесі торсықтай бес ұлды өмірге әкелген ана, кәсіпкерлікті дамыту жөніндегі Ұлттық жобаның грантына қол жеткізгенге дейін жұмыссыз отырды.

Жұмыс істейтін де мүмкіндік болмады өйткені бір баласы науқас. Осы жазда оған жұмыспен қамту орталығынан Ұлттық жобаға қатысу туралы ұсыныс түскенде ойланбастан келісті. Тігін шеберханасын ашу әуелден арманы еді. Себебі, бойжеткен кезінен бері ине жібі қолынан түспеген. Анасынан үйренген тігін тігу Ботакөзге таңсық емес. Бизнестің негіздерін үйрететін оқудан өтіп сертификатын қолға алған Ботакөзге 1 476 800 теңге (400 АЕК) қайтарымсыз грант берілді. Оған тігін машинасын, үтік тағы да басқа қажетті құралдарды сатып алды.    

«Екі үш айдан бері құрақ көрпе, көрпе жастық, бөстектің тысы секілді бұйымдарды тігіп жатырмын. Әлеуметтік желілерде жарнамам жоқ болғандықтан тапсырыс болмай жатыр. Әзірге мені білетін таныс, туыстардың сұранысын орындап жатырмын. Егер жеке шеберханам болса жарнамалауға болар еді», - дейді ісмер Ботакөз Даухан.

Қазір ол үйінің бір бөлмесінде жұмысын жалғатыруда. Егер жеке шеберханасы болса тапсырыстардың да көп болатынына сенімді. Кент тұрғындарына да жақсы болар еді. Ауылда тігін шеберханасы болмағандықтан тұрғындар қалаға шабады. Бұл қосымша шығын. Ботакөз жақында кенттің әкіміне барып орын жай сұрамақ ниетте. Шағын және орта бизнесті қолдауды Президенттің өзі де әр жолғы Жолдауында айтып келеді. Сондықтан, жергілікті жердегі шенділер өтінішін жерде қалдырмайды, - деп сенеді. Ал, нәзік жанды кәсіп иесінің арманы бес ұлдың артынан қыз тауып бар білгенін үйрету.

Қарапайым халықтың әлеуетін арттыру бағытында қолға алынған мемлекеттік бағдарламалар өз жемісін беруде. Мәселен, өңірдің кейбір тұрғындары «Ауыл аманаты» арқылы жеңілдетілген несие алып, кәсібін дөңгелетіп жатса, енді бірі мемлекеттік қайтарымсыз грант арқылы кәсіпкерліктің алғашқы қадамдарын жасауда.

Павлодар қаласына қарасты Кенжекөл ауылының тұрғыны Тілек Упабаев  мемлекеттік қайтарымсыз грантты жеңіп алып, темірден ою-өрнек, қақпа жасау ісін қолға алған. Биыл мемлекеттік қайтарымсыз грантқа көп балалы отбасы ретінде өтініш беріп, «Заманауи ою өрнек темір өндірісі» бизнесі жобасын сәтті қорғай алды.

Соның арқасында ол  1 476 800  теңге мемлекеттік қайтарымсыз гранттың иесі атанды. Грантқа ие болған темірұстасы бірден шағын өндірістік цехын ашып, жұмысқа белшеше кірісіп кеткен. Мен, темірден түйін түйетін арнайы станогты ресейден алғыздым. Оның бағасы жеткізіп беруімен бірге 1 млн 300 мың теңге қаражат болды,-дейді Тілек Қамылбекұлы. Ол, цехті іске қосқаннан бері темір қақпа сияқты тұрмысқа қажетті бұйымдар жасауда. Бүгінде 4-5 темір қақпа жасап, тұтынушылардың көңілінен шығатын дизайнмен ұсынып келеді. Біздің Кенжекөл ауылында тұрғын үйлер көптеп салынып жатыр. Көркем безендірілген темір есіктерге сұраныс өте жоғары. Тапсырыс берушілердің өтінішіне қарай темір қоршаулар мен есіктерді 7-10 күннен асырмай жасап беріп келемін,- дейді шебер.

Жасыратыны жоқ, ортамызда жұмыссыз жүрген жандар көптеп кездеседі. Міне, осындай азаматтарға мемлекет тарапынан ақшалай қайтарымсыз несиелер беріліп, өз кәсібін ашуға жағдай жасалып жатқандығы құптарлық жайт. Мен, мемлекеттік бағдарламалар мен жобалардың кәсіп ашудың маңыздылығы жайлы өзім сияқты ауыл тұрғындарына үнемі айтып келемін. Кәсіп түбі береке екендігін түсінетін кез жетті-дейді ол.   

Тілек Қамылбекұлы шағын бизнесін жүргізу үшін арнайы шағын цехта салып үлгеріпті. Алдағы уақытта табыс көзіне айналған кәсібін кеңейтуді мақсат етеді. Егер жұмысы сәтіне салып алға басса, ауыл тұрғындарын жұмыспен қамтуды көздеп отыр.

Ешкімге ауыз ашып қарамай «Екі қолға бір күрек»-, деп мемлекеттен грантын алып. өз кәсібін ашып жұмысқа қызу кірісіп кеткен іскер азаматтың ісі оңға басса екен дейміз.

Назарларыңызға бірлестігіміздің жарқын да оқиғаларға толы өміріне есік ашатын бейнероликтерді ұсынамыз.Бұл материалдар сізге біздің жұмысымызды, құндылықтарымыз бен миссиямызды анықтайтын негізгі нүктелер туралы айтып береді. Әрбір кадр біздің тарихымызды, оқиғаларымыз бен жетістіктерімізді қозғаудың бірегей мүмкіндігі.

Бейнежазбаларда сіз біздің күнделікті әрекеттерімізді, маңызды кездесулерімізді, сәтті жобаларды және қатысушылардың шабыттандыратын әңгімелерін көресіз. Олар біздің кәсіби қызметімізді ғана емес, сонымен қатар бірлестіктің барлық мүшелерін біріктіретін атмосфераны көрсетеді. Біз өз бастамаларымызды мақтан тұтамыз және сізбен бөлісуге қуаныштымыз.

Сізді бейнелеріміз арқылы осы әлемге енуге шақырамыз! Олар сізге бізді жақсырақ түсінуге, бірлесіп жұмыс істеуге шабыттандыруға немесе жай ғана күлімдеуге көмектеседі деп үміттенеміз. Көруден ләззат алыңыз!

Павлодар облысындағы Ақсу қаласының ауылдық аймағына қарасты Мәмәйіт Омаров атындағы ауылда тұратын Қайырболат Азнабаев бала кезден офицер болуды армандаған. Есейген соң полицияға қызметке тұрып мақсатына жетті. Алайда, аяқ асты науқасқа шалдығып жас жігіт ішкі істер органдарына жарамсыз болып қалды.

Үшінші топтағы мүгедектікке шыққан Қайырболат екі жылдай жұмыссыз жүрді. Биыл кәсіпкерлікті дамыту жөніндегі Ұлттық жоба жайлы естіген соң бірден қатысуға шешім қабылдады. Себебі, бұндай бағдарлама жағынан хабары бар. Әкесі Нұртай Азнабаев 2021 жылы «Бастау Бизнес» бағдарламасы арқылы кәсіпкерлік негіздерін оқып грант ұтқан. Қайырболат онлайн крус оқып сертификат алды да жобасын ұсынды.

«Бірінші легтен өте алмадым. Бизнес жоспарымда кемшіліктер болды. Сосын әкеммен ақылдасып кемшіліктерді түзетіп екінші легте өттім. Содан маған  400 АЕК мөлшерінде бір реткі қайтарымсыз грант берілді», - дейді кәсіпкер Қайырболат Азнабаев.

Қайырболат мал шаруашылығын таңдап қолдау қаржыға екі сиыр, төрт бұқа және бес бұзау сатып алды және оларға қора қопсы да салды. Биыл жазда Павлодар өңірінде жауын шашын көп болып шөп белуардан аса шықты. Ертіс өзенінің екінші айрығы саналатын Ақсу өзені Қайырболаттың малы орналасқан шаруашылығының іргесінен ағып жатыр. Тоғайда шөп аспа төк. Сондықтан биыл қыста павлодарлық шаруалар мал азығынан тарықпайды.

«Бала кезден ауылдық жерде өсіп қора ішінде жүргендіктен малға жақынбыз, былайша айтқанда тәжірибеміз бар. Оның үстіне әкемнің техникалары бар жем шөп әзірлеуге әзірше соны пайдаланамын», - дейді кәсіп иесі Қайырболат Азнабаев.

Қайырболаттың сүйікті жары екі баласы бар. Келешекте кәсібін кеңейтіп мал басын көбейтуді жоспарлап отыр. Олай болған жағдайды жайылымдық жер алуға мүмкіндік туады.

Павлодар қаласында қайтарымсыз грант алып, өз ісін дөңгелете бастағандар көп. Олардың бірі тігін цехын ашып, енді бірі көлік доңғалақтарын жөндеумен айналысуда. Жаңа бизнес идеялардың ішінде тәтті тоқаштар және наубайхана, темірден түйін түйген шеберлер мен мал өсіру, дәнекерлеу қызметі сияқты алуан түрлі кәсіптер бар. «Бизнес-бастау» курсынан өтіп, сертификат иесі ретінде өзі ұсынған бизнес-жоспарын ойдағыдай қорғап шыққан азаматтардың бірі Павлодар қаласына қарасты Жетекші ауылының тұрғыны көпбалалы әулеттің отағасы Нұржан Асылов. Ол, loft стиліндегі дәнекерлеу қызметін қолға алған.

Мемлекет тарапынан берілген 1 476 800 теңге қаржы бизнес жобаны іске асыру үшін қажетті құрал-жабдықтар сатып алуға жұмсалды.

«Мемлекет тарапынан қолдау тауып, жаңаша кәсібімді бастадым. Мен ұсынатын қызмет түрі ауыл тұрғындарына өте қажет. Дәнекерлеу апаратын іске қосқалы көп уақыт бола қойған жоқ. Дегенмен, өзімнің тұрақты тұтынушыларым пайда бола бастады.  Егер сапалы қызмет көрсететін болсақ клиенттерімнің саны арта түсері сөзсіз», - дейді Нұржан Аманжолұлы.

Ауылда дәнекерлеу қызметі ашылғалы Жетекші ауылының тұрғындары қалаға сабылмай – ақ, өз ауылдастырының кәсібін қолдап, қызметіне жүгінеді.  

Павлодар облысы Ақсу қаласының ауылдық аймағындағы Береке ауылында тұратын Сүйінбай Бабархан кәсіпкерлікті дамыту жөніндегі Ұлттық жобаның қатысушысы. Үшінші топтағы мүгедек азамат бұған дейін жұмыссыздар қатарын толтырып келген. Енді, оқудан өткен сетрификатын алып 400 АЕК көлемінде грантты ұтқаннан кейін жеке кәсіп иесі болып шыға келді.

Сүйінбайдың таңдаған бағыты мал шаруашылығы. «Малым жанымның садағасы – жаным арымның садағасы» деген нақылды жаттап өскен қазақ баласына кәсіптің жақыны мал болары сөзсіз.

Ол мемлекеттен берілген қаржылай қолдау ақшаға ірі қара мал сатып алды.

«Еңдігі табыс көзіміз осы мал болайын деп тұр. Өйткені, әйелім де жұмысқа жарамайды мүгедек. Үш баланы асырап отырмыз. Мемлекет осындай бағдарламаларымен көмектесіп жарылқап жатыр онысына рақмет.

Енді мал басын өсірсек деген ойымыз бар», - дейді кәсіп иесі Сүйіндік Бабархан. Сүйіндіктің жоспары да жоқ емес.

Келешекте ортаңқол шаруашылыққа айналып ауылдастарын ет сүтпен қанымдасам деген мақсаты бар.

Предлагаем вашему вниманию события, собранные в один Дайджест, которые открывают двери в яркую и насыщенную жизнь нашей Центра. Эти материалы расскажут о ключевых моментах, которые определяют нашу работу, ценностях и миссии. Каждый кадр — это уникальная возможность прикоснуться к нашей истории, событиям и достижениям.

В роликах вы увидите нашу ежедневную деятельность, важные встречи, успешные проекты и вдохновляющие истории участников. Они отражают не только нашу профессиональную деятельность, но и ту атмосферу, которая объединяет всех членов РЦ. Мы гордимся нашими инициативами и рады делиться ими с вами.

Приглашаем вас окунуться в этот мир через наши видео! Надеемся, что они помогут вам лучше понять нас, вдохновят на сотрудничество или просто вызовут улыбку. Приятного просмотра!

Дайджест

Предлагаем вашему вниманию события, собранные в один Дайджест, которые открывают двери в яркую и насыщенную жизнь нашей Центра. Эти материалы расскажут о ключевых моментах, которые определяют нашу работу, ценностях и миссии. Каждый кадр — это уникальная возможность прикоснуться к нашей истории, событиям и достижениям.

В роликах вы увидите нашу ежедневную деятельность, важные встречи, успешные проекты и вдохновляющие истории участников. Они отражают не только нашу профессиональную деятельность, но и ту атмосферу, которая объединяет всех членов РЦ. Мы гордимся нашими инициативами и рады делиться ими с вами.

Приглашаем вас окунуться в этот мир через наши видео! Надеемся, что они помогут вам лучше понять нас, вдохновят на сотрудничество или просто вызовут улыбку. Приятного просмотра!

Дайджест

Павлодар облысы Ақсу ауылдық аймағындағы шағын ғана Сынтас ауылында құс өсіру кәсібі пайда болды. Елді мекенде мал бағып шаруасын дөңгелетіп отырғандар бар. Бірақ та, қаңқылдатып қаз ұстап құс өсірген ешкім жоқ еді. Биыл жаздан бастап Сынтаста шаруашылықтың бұл түрі де пайда болды. 52 жастағы ауыл тұрғыны Ермек Сүлейменов, кәсіпкерлікті дамыту жөніндегі Ұлттық жобаға қатысып бизнес жобасын ұсынды. Әлбетте, Ермектің жобасы үйлестірушілер тарапынан бірден қолдау тауып 400 АЕК мөлшеріндегі қайтарымсыз грантты ұтып алды. Кәсіпкер бұл қаражатқа 500 бас құс және екі жүзден аса бройлер балапандарын алған.

«Кішкентай кезімізде анамыз үйде құс ұстайтын. Бала кезден бақтық қой сондықтан бәрін білеміз. Былайша айтқанда базовый тәжірибе бар. Сосын ойлай-ойлай келе осы құс шаруашылығымен айналысып көрейін деп шештім. Оның үстіне отырған жерімізде ыңғайлы ауылдың ең шет жағы. Мына жақ шабындық», - дейді кәсіп иесі Ермек Сүлейменов.

Дегенмен, ерекше күтімді қажет ететін тауық тұқымын сақтап қалу Ермекке оңайға соқпады. Өйткені, бройлер балапандары аса күтімді қажет етеді. Ол жалғызбасты еркек үшін қиынға түсті. Небәрі бір апталық қана балапандардың 70 пайызы ұзаққа бармай қырылып қалды. Қайта қаздар өсімтал болып шықты. Ресей елінен алдыртқан «линда» тұқымды ақ қаздар қазір жетіліп толысты. Бес жүз қаздан ит тартып кеткен бірлі жарым шығын болмаса басқалары дін аман. Жаңа жылға қарай сатылыпға шығарамын деп отыр.

«Балапанды күзде сана деген. Қаздар жақсы өсті. Енді қар түскеннен кейін бір екі аунаса союға жарап тұр. Қыста бәрін тапсырамын. Сосын келер көктемде қайтадан балапандар сатып аламын. Ендігі жылы қаздың басын мыңға жеткізбек жоспарым бар. Сонымен қатар, көмекшіге бір адамды жұмысқа алатын боламы», - дейді Ермек Сүлейменов. Ермек ІІ-топтағы мүгедек сондықтан көмекшісіз жұмыс өнбейтінін біледі. Қаз етіне Павлодарды айтпағанда Астанадан да сұраныстар бар көрінеді. Десе де Ермек, алдымен көршілері мен ауылдастарына басымдық беремін деп отыр.

Мемлекет тарапынан жұмыссыз жандарға берілетін қайтарымсыз гранттың игілігін көріп жатқан жерлестеріміз баршылық. Солардың қатарында Павлодар қаласына қарасты Атамекен кентінің тұрғыны 4 қыз, 1 ұл тәрбиелеп отырған көп балалы ана Гүлдана Аханова бар.

Гүлдана Қабдулашимқызы ғаламтор арқылы қайтарымсыз грант ұтып алу мүмкіндігі бар бизнес жобасына қатысып, 1 476 800 теңге көлемінде грант ұтып алған. Ол бұл қаражатқа заманауи мамандық Мобилография мен SMM саласына қажетті құрал-жабдықтар сатып алды. Сөйтіп ноутбук, айналы фотоаппарат, принтер, үстел, селфи таяқша, подставка, смартфонға арналған объектив және штативтың иесі атанды.

«Мен, декреттік демалыс кезінде балалық шақтағы арманымды жүзеге асырып, фотограф болудың алғашқы қадамдарын жасай бастадым. Бала тәрбиесімен бірге шығармашылық әлемге ден қойып, мобилография мен SMM салаларына деген қызығушылығымды арттырдым.

Бұл жаңа бағыттар маған шығармашылық тұрғыдан дамып, жаңа мүмкіндіктерге жол ашты», - дейді Гүлдана Қабдулашимқызы .

Қазіргі уақытта Гүлдана LoveStory түсірілімдерінен бастап, инфо-бизнес пен коммерциялық түсірілімдерге, трендтік REELS, fashion, YouTube үшін және әр түрлі шараларды таспалайтын ауқымды жобалармен айналысады.

Бұл күнде Гүлдана шығармашылық жолында елеулі жетістіктерге жетіп, әрбір түсіріліммен жаңа биіктерге қадам басты. Оның жұмысы тек кәсіби деңгейде ғана емес, жүректен шыққан өнер ретінде де жоғары бағаланады.

Енді ауыл тұрғындары кез-келген думанды той, салтанатты шара кезінде алыстан видеограф іздемейді. Өйткені, қастарында нағыз кәсіби маман жүр.

Гүлдана Аханованың айтуынша мемлекеттен берілетін қайтарымсыз грант кез келген тұрғындар үшін таптырмас мүмкіндік.

Қой өсіру – қазақ халқының ежелден келе жатқан ата кəсібі. Қорасы қойсыз болмаған қазақтың шопан ата түлігін өсіруге талпынуы қолдайтын жайт.

Иə, қой өсіріп, кəсіп бастаймын деушілерге мемлекеттен түрлі қолдау бар. Соның бірі – қайтарымсыз қаржылай ақша. Осы грантқа бағын сынап, 1 476 800 теңгеге  қол жеткізген жанның бірі Мойылды ауылының тұрғыны Қайқыбай Асан Қалдыбайұлы.

Асан Қалдыбайұлы грантқа көп балалы отбасы ретінде қатысқан. Ол, ұтып алған ақшаға ұсақ мал сатып алып, қорасын қойға толтырып отыр.

«Ауылдың негізгі табыс көзі – мал шаруашылығы. Қолдан келетін істі неге жасап көрмеске?! Сөйтіп былтыр кəсіпкерлік бағдарламасымен оқып, бизнес жоспар жасадым. Жобамды үздік қорғап, қайтарымсыз грантқа ие болып, 10 бас Еділбай тұқымды қой сатып алдым. Қой бағу, мал өсіру біздің ата кəсібіміз. Жастайымнан малмен етене араласып өскесін мен үшін бұл шаруа ешқандай қиындық туғызбайды. Алдымызға мал салып, еңбек етуге жағдай жасалып тұрғанда, мүмкіндікті жіберіп алуға болмайды», – дейді грант иегері.

“Мал өсірсең, қой өсір, табысы оның көл-көсір” деген аталы сөздің мағынасын терең түсінген Асан Қалдыбайұлы алдағы уақытта қойын қоралатып түлік басын арттыруды көздейді.